U Minsku zakryvajecca kaviarnia Kava i Kvetki
Kvietkavaja kaviarnia na Karła Marksa, 19 budzie pracavać tolki da 12 sakavika.
25.02.2023 / 14:17
Fota: sacsietki Kava i Kvetki
Pra zakryćcio paviedamili ŭ instahramie ŭstanovy.
«Naš prajekt zakryvajecca. Kaviarnia na Karła Marksa zamknie svaje dźviery 12 sakavika. Da hetaha dnia ja budu vielmi rada sustreć vas u nas u haściach, kab vy atrymlivali asałodu ad našych napojaŭ, śniadankaŭ i rabili zamovu kvietak na 8 Sakavika»,— havorycca ŭ videa.
Kaviarnia Kava i Kvetki na Marksa, 19 pracavała dva hady.
Stvaralniki abaznačali kvietkavuju kaviarniu jak prajekt ab tym, jak vykazvać pačućci i daryć emocyi.
«Dla stvareńnia aŭtarskaha bukieta nam nieabchodny čas, jaki vy možacie pravieści ŭ pryjemnaj atmasfiery z kubkam śviežaj kavy i smačnym desiertam. Abo inšaja historyja: vy zaŭsiody možacie spantanna paradavać siabie i svaich blizkich śviežymi kvietkami, zabiahajučy pa ŭlubiony napoj i śviežy kruasan. Usio heta pra našu kvietkavuju kaviarniu, dzie my dapamahajem vykazać pačućci biez słoŭ i dorym sapraŭdnyja emocyi», — napisana na sajcie.