Nokia ŭpieršyniu za 60 hadoŭ abnaviła svoj łahatyp
«Naša novaja vizualnaja identyčnaść adlustroŭvaje Nokia takoj, jakaja jana jość siońnia, — z abnoŭlenaj enierhijaj i imknieńniem być pijanierami ličbavaha prahresu».
27.02.2023 / 10:13
Fota: aficyjny sajt Nokia
Kampanija Nokia 26 lutaha abjaviła ab praviadzieńni svajho rebrendynhu: abnavilisia łahatyp, vizualnaje afarmleńnie i ideałohija brenda. Takoha ŭ kampanii nie adbyvałasia ciaham 60 hadoŭ.
Novy simvał pakinuŭ u minułym svoj firmienny sini fon, a słova Nokia ciapier składajecca z piaci roznych hieamietryčnych formaŭ.
Zaraz hetaje afarmleńnie, pa słovach kampanii, budzie pastupova zjaŭlacca i na aficyjnym sajcie, i ŭ sacsietkach, i na budynkach ofisaŭ Nokia va ŭsim śviecie.
«My bolš nie takija, jakimi śviet bačyŭ nas raniej. My zachavali spadčynu papiaredniaha łahatypa, ale zrabili jaho bolš sučasnym i ličbavym, kab pieradać našu ciapierašniuju identyčnaść. Pieršym čynam my vyznačyli našu metu… Nokia stvaraje technałohii, jakija dapamahajuć miru dziejničać razam», — skazana ŭ pres-relizie kampanii.
Jak stała viadoma ahienctvu Reuters, Nokia tym samym imkniecca stać lidaram u raźvićci sistem suviazi i jakaści sietak i vyjści za miežy zvykłaha ŭsim vobraza kampanii — vytvorcy telefonaŭ.