У Кіеве ўпершыню ад пачатку вайны выступіць заходні музычны гурт
Раней ён першым сярод еўрапейцаў граў у КНДР.
27.02.2023 / 08:35
Славенскі гурт Laibach запланаваў на 31 сакавіка ў Кіеве незвычайны канцэрт. Паведамляецца, што гэта будзе першае выступленне замежнага музычнага калектыва ў сталіцы Украіны з лютага мінулага года.
Славенцы сыграюць адмысловую праграму пад назвай «Еўрабачанне». Laibach заявілі, што вяртаюць конкурс туды, «дзе цяпер адбываецца адзінае сапраўднае і рэальнае бачанне Еўропы».
Нагадаем, што ў 2022 годзе «Еўрабачанне» выйгралі ўкраінцы з Kalush Orchestra, але ў мэтах бяспекі конкурс перанеслі ў Вялікабрытанію.
Laibach у 2015 годзе сталі першым еўрапейскім калектывам, які даў канцэрт у Паўночнай Карэі. Праз два гады выйшаў дакументальны фільм пра гэту падзею.