Hałoŭnakamandujučy ŭkrainskich VMS: Kijeŭ kantraluje prykładna tracinu ŭkrainskaj akvatoryi Čornaha mora
Kamandujučy vajskovym fłotam Ukrainy vice-admirał Alaksiej Nieižpapa zajaviŭ, što na siońnia «25 tysiač kvadratnych kiłamietraŭ ukrainskaha Čornaha mora zjaŭlajucca šeraj zonaj, kudy nie zachodziać karabli Rasii, bajučysia źniščeńnia».
27.02.2023 / 16:22
Hałoŭnakamandujučy zapeŭnivaje, što «heta płošča — jak terytoryja Adeskaj i Charkaŭskaj abłaściej razam uziatych», choć nasamreč płošča kožnaj z hetych dźviuch abłaściej pieravyšaje 30 tys. kv. km.
«U pieršyja dni šyrokamaštabnaha ŭvarvańnia my bačyli rasijskich zachopnikaŭ niaŭzbrojenym vokam u mory niedaloka ad Adesy, — nahadaŭ vice-admirał, — a ciapier jany ŭžo nie padychodziać da kantralavanych nami bierahoŭ».
Usiaho ž, pa słovach Nieižpapy, u Čornym mory Ukrainie naležyć «bolš za 70 tysiač kvadratnych kiłamietraŭ», heta značyć, u vyzvaleńni maje patrebu terytoryja, jakaja ŭ dva z niečym razy pieravyšaje pa płoščy «šeruju zonu».