Pucin sprabuje abvinavacić Zachad u pahrozie isnavańniu Rasii
Rasijskija aficyjnyja asoby prasoŭvajuć infarmacyjnuju rytoryku, jakaja daje iłžyvaje ŭjaŭleńnie pra toje, što vajna Rasii va Ukrainie zjaŭlajecca žyćciova važnaj dla dalejšaha isnavańnia Rasiejskaj Fiederacyi, pišuć eksperty Instytuta vyvučeńnia vajny (ISW) u čarhovaj zvodcy.
28.02.2023 / 08:39
Pucin 2023 Mikhail Metzel Sputnik Kremlin Pool Photo via AP
U intervju telekanału «Rasija 1» 26 lutaha prezident Rasii Uładzimir Pucin papiaredziŭ, što nie viedaje, ci zmoža «ruski narod vyžyć u tym vyhladzie, u jakim jon isnuje siońnia», kali Zachadu ŭdasca «razburyć Rasijskuju Fiederacyju i ŭstalavać kantrol nad jaje askiepkami».
Pucin pačaŭ stvarać umovy dla hetaj infarmacyjnaj kampanii ŭ vystupie pierad Fiederalnym schodam 21 lutaha, abvinavaciŭšy kalektyŭny Zachad u vykarystańni vajny va Ukrainie dla pahrozy isnavańniu Rasii. Z padobnymi zajavami vystupiŭ i namieśnik kiraŭnika Rady biaśpieki Rasii Dźmitryj Miadźviedzieŭ.
«I Pucin, i Miadźviedzieŭ u svaich zajavach vykarystoŭvajuć infarmacyjnuju rytoryku, jakaja pradstaŭlaje vajnu va Ukrainie jak ekzistencyjalnuju dla dalejšaha vyžyvańnia postsavieckaj Rasiei, što, vierahodna, zjaŭlajecca sprobaj pradstavić vajnu jak vajnu, jakaja maje bolš vysokija staŭki dla Rasii i Zachadu, čym jość na samaj spravie», — pišuć ekśpierty.
Pucin, vierahodna, spadziajecca stvaryć infarmacyjny fon, kab abvinavacić Ukrainu i Zachad u pahrozie vyžyvańniu Rasiei na fonie vajennych niaŭdač Maskvy i padtrymki Zachadam pośpiechaŭ ukraincaŭ na pole boju.
«Mova Pucina zaklikanaja padciaplić padtrymku vajny ŭ Rasii i raspalić na Zachadzie strach pierad niestabilnaściu, jakaja paśleduje za raspadam Rasii, kab strymać padtrymku Ukrainy i pierakanać Zachad prymusić Kijeŭ pryniać rasiejskija patrabavańni», — zaklučajuć u ISW.