Mytniki vyjavili ŭ pasažyraŭ rejsavaha aŭtobusa z Litvy 350 pazałočanych maniet na 200 tysiač jeŭra
Sprobu niezakonna pieravieźci praz litoŭska-biełaruskuju miažu bolš za 350 pazałočanych inviestycyjnych maniet vyjavili hrodzienskija mytniki, piša BJeŁTA.
03.03.2023 / 16:21
Fota: DMK
Jak raskazali ŭ Hrodzienskaj rehijanalnaj mytni, dvoje hramadzian z Ukrainy i Rasii pierasiakali miažu praz punkt propusku «Kamienny Łoh» na rejsavym aŭtobusie Vilnia — Minsk. Pad ich adzieńniem byli znojdzieny 3,7 kh brytanskich, aŭstralijskich i paŭdniovaafrykanskich inviestycyjnych maniet.
Ekśpiertyza ŭstanaviła, što pavierchnia maniet vyrablena z zołata i ź jaho spłavu.
Śpiecyjalisty acanili košt maniet bolš jak u 535 tysiač rubloŭ.
Pasažyry jechali pa zialonamu kalidoru i takim čynam chacieli ŭchilicca ad vypłaty mytnych płaciažoŭ na sumu bolš jak 236 tysiač rubloŭ.
Uzbudžana kryminalnaja sprava.