У Мінску затрымалі былога супрацоўніка СТБ Дзмітрыя Баяровіча і ягоную жонку ВІДЭА
Сёння раніцай у Новай Баравой адбылося затрыманне сям'і Баяровічаў — фатографа і журналіста Дзмітрыя і яго жонкі Вікторыі, піша «Вясна», публікуючы таксама відэа затрымання.
14.03.2023 / 22:51
На відэа з камер назірання бачна, як хлопца, які выйшаў на вуліцу ў 8:11, паклалі на зямлю сілавікі. Бачна, што да затрыманага хутка падбегла яго жонка. Потым сілавікі разам з Дзмітрыем і Вікторыяй пайшлі ў кватэру, дзе пазней адбыўся ператрус.
Праз 10 хвілін — у 8:22 — сілавікі вывелі Дзмітрыя і пасадзілі ў бусік. Праз 40 хвілін — у 9 раніцы — з пад'езда вывелі і Вікторыю. Яе таксама пасадзілі ў бусік і кудысьці павезлі.
Праваабаронцам вядома, што раней Дзмітрый Баяровіч працаваў на СТБ, але ў 2021 годзе звольніўся адтуль.