Vyručka ad raźmiaščeńnia turystaŭ u biełaruskich hatelach źmienšyłasia až na 83%
Vyručka, jakaja pastupiła ad raźmiaščeńnia turystaŭ u hatelach Biełarusi, u 2022 hodzie skłała 261 młn rubloŭ (99,7 młn dalaraŭ pa siarednim kursie Nacbanka za hod). Pra heta śviedčać apublikavanyja 21 sakavika źviestki Biełstata.
21.03.2023 / 21:50
Fota ilustracyjnaje
Vyručka ad raźmiaščeńnia ŭ hatelach biełaruskich hramadzian skłała 104 młn rubloŭ, inšaziemcaŭ — 156,6 młn.
U paraŭnańni z 2021 hodam vyručka źniziłasia amal na 83% — hod tamu jana była na ŭzroŭni 1,53 młrd rubloŭ (602 młn dalaraŭ). Pry hetym inšaziemcy tady zabiaśpiečyli prytok 1,4 młrd rubloŭ, a na biełarusaŭ prypała ŭsiaho 128 młn vyručki.
Vyručka, jakaja pastupiła ad raźmiaščeńnia turystaŭ nie ŭ hatelach, a ŭ inšych pamiaškańniach, u 2022 hodzie skłała 57,6 młn rubloŭ (20,9 młn dalaraŭ). U 2021 hodzie Jana była ŭ pamiery 63,1 młn rubloŭ (25 młn dalaraŭ).
Čytajcie taksama:
Biełaruski turbiznes sioleta nie budzie ŭ stanie zadavolić popyt na vyjazny turyzm