На мяжы з Польшчай сілавікі правяраюць тэлефоны ў тых, хто выязджае з Беларусі
Паводле інфармацыі «Брэсцкай вясны», у тых, хто выязджае з Беларусі ў Польшчу на аўтобусах праз пункт пропуску «Брэст — Цярэспаль», сёння выбарачна правяраюць тэлефоны.
21.03.2023 / 23:02
Паводле інфармацыі праваабаронцаў, у тэлефонах сілавікоў цікавяць:
- спіс усталяваных прыкладанняў;
- спіс выдаленых (!) прыкладанняў;
- бібліятэка ў Youtube (спіс прагледжаных відэа, лайкі да відэа)
- праверка перапісак у тэлеграме (калі месенджар не ўстаноўлены, то патрабуюць усталяваць)
- галерэя фотаздымкаў, а таксама кошык галерэі
- лайкі, каментары, гісторыя сторыс у інстаграме
- праверка перапісак у астатніх месенджараў.
У тых, хто ўязджае, таксама праводзіцца праверка змесціва тэлефона.