Palitźniavolenamu žurnalistu Dzianisu Ivašynu ŭ kałonii skaracili normu atavarki
Pra heta napisała jaho žonka Volha. Jana paviedamlaje, što ciapier jamu dazvolena atavarvacca ŭ turemnaj kramie tolki na dźvie bazavyja vieličyni (74 rubli) zamiest piaci.
28.03.2023 / 14:32
Zvyčajna takija abmiežavańni prymianiajucca ŭ dačynieńni da tych viaźniaŭ, jakich administracyja pryznaje «złosnymi parušalnikami režymu».
Taksama Volha piša, što Dzianis chacieŭ atrymać padpisku na hazietu «Biełorusy i rynok», bo nie viedaŭ, što vydaviectva spyniła svaju pracu praz pazbaŭleńnie rehistracyi.
Padtrymajcie palitviaźnia: PK № 15. 213105, h. Mahiloŭ, p/a Viejna, Słaŭharadskaja šaša 183, Dzianisu Jaŭhienaviču Ivašynu.