MTS admovicca ad jajka ŭ łahatypie kampanii
MTS 30 sakavika ŭ Rasii abvieścić pra maštabny rebrendynh, admoviŭšysia ad hałoŭnaha simvała kampanii z 2006 hoda — jajka.
30.03.2023 / 08:35
Fota: «Viedomosti»
U čacvier, 30 sakavika, MTS abvieścić pra poŭnamaštabny rebrendynh, raspavioŭ RBK prezident kampanii Viačasłaŭ Mikałajeŭ. Na novym łahatypie bolš nie budzie vyjavy jajka — ciapier heta budzie kvadrat čyrvonaha koleru ź litarami M, T i S pa pierymietry.
Poŭny kvadrat z nadpisam MTS budzie prymianiacca dla asnoŭnaj prapanovy kampanii, a ŭ vypadku z «dočkami» — subbrendami, naprykład «MTS-Aŭta», «MTS-muzyka» i inš., u jaho budzie adrazacca kutok, i na hetym «askiepku» budzie raźmiaščacca łahatyp hetaha kirunku.
Pa słovach dyrektara rasijskaha MTS, daśledavańnie pakazała, što telekamunikacyjnaja kampanija ciapier asacyjujecca ŭ kłijentaŭ nie ź jajkam, a z čyrvonym koleram. A jajka asacyjujecca z «čymści ałdskulnym i kłasičnym».
U Biełarusi ŭ MTS łahatyp apošni raz mianiaŭsia ŭ 2019 hodzie.