Пакуль ён спаў. Госця перавяла грошы гаспадара на сваю карту
Жыхар горада Баранавічы недалічыўся грошай на сваёй банкаўскай карце пасля таго, як у яго пагасціла знаёмая.
01.04.2023 / 10:44
Баранавіцкі міжраённы аддзел Следчага камітэта расследуе крымінальную справу паводле ч. 1 арт. 212 (»крадзеж маёмасці шляхам мадыфікацыі камп'ютарнай інфармацыі») Крымінальнага кодэкса у дачыненні да 40-гадовай беспрацоўнай жыхаркі горада.
Жанчына гасцявала ў свайго знаёмага, піша «Наш край». Раніцай наступнага дня, пакуль мужчына яшчэ спаў, жанчына ўзяла яго мабільны тэлефон і перавяла сабе 100 рублёў з яго банкаўскай карты.
Спісанне грошай з карты мужчына заўважыў не адразу, паколькі госця прадбачліва выдаліла мабільны дадатак з яго тэлефона. І толькі усталяваўшы яго паўторна, пацярпелы заўважыў, што на карце не хапае сродкаў.
Вырашыць пытанне «палюбоўна» не ўдалося, і мужчына звярнуўся ў міліцыю.
Чытайце таксама:
На праспекце Незалежнасці гарэў аўтобус
На мяжы Германіі і Нідэрландаў затрымалі беларуса з 300 тысячамі еўра