Dla Antona Smolskaha pryncypova vystupać pad čyrvona-zialonym ściaham, ale pryncypy nie cviordyja
Pryzior Alimpijskich hulniaŭ u bijatłonie Anton Smolski zajaviŭ, što jamu pryncypova vystupać na spabornictvach pad čyrvona-zialonym dziaržaŭnym ściaham, ale kali inšaha varyjantu nie budzie, to abydziecca i bieź jaho, paviedamlaje «Matč TV».
01.04.2023 / 16:40
U Smolskaha zapytalisia pra heta ŭ suviazi z tym, što ŭčora Łukašenka padtrymaŭ mahčymaść dla biełaruskich spartśmienaŭ vystupać na mižnarodnych spabornictvach pad niejtralnym ściaham.
«Dla mianie pryncypova vystupać z himnam i ściaham, ale kali vybaru nie budzie, to ŭsio roŭna budziem abaraniać honar krainy», — skazaŭ Smolski.
Na hetym tydni Mižnarodny alimpijski kamitet pryniaŭ novyja rekamiendacyi pa dopusku biełaruskich i rasijskich spartśmienaŭ da mižnarodnych spabornictvaŭ. Biełarusy i rasijanie, jakija nie padtrymlivajuć vajnu va Ukrainie, mohuć spaborničać u niejtralnym statusie, ale tolki ŭ indyvidualnych vidach sportu. Akramia taho, jany nie pavinny być źviazanyja ź siłavymi strukturami.
Praŭda, hetaje rašeńnie jašče moža być pierahledžanaje, bo adnosna jaho jość mocnaja apazicyja.
Čytajcie taksama:
Ukraina budzie bajkatavać spabornictvy z udziełam rasijskich spartśmienaŭ — ukrainski ŭrad
Dyk ci pajedzie Niedasiekaŭ na Alimpijadu? Voś čaho čakać ad asłableńnia spartovaha banu