U Viciebsku pjany 18-hadovy biaspraŭnik uciakaŭ ad DAI i raźbiŭ čužuju mašynu
U noč na niadzielu ŭ Viciebsku, kala 01:50, kiroŭca Mercedes-Benz nie spyniŭsia pa patrabavańni supracoŭnikaŭ DAI — adbyłasia pahonia.
02.04.2023 / 11:45
Mercedes-Benz paśla DTZ
Na praśpiekcie Pieramohi, pavodle DAI, jon nie spraviŭsia z kiravańniem, vyjechaŭ na raździalalnuju pałasu i ŭrezaŭsia ŭ mietaličnuju aharodžu.
Aŭtamabilem kiravaŭ 18-hadovy viciablanin, jaki nikoli nie mieŭ paśviedčańnia kiroŭcy. U jaho kryvi było vyjaŭlena 0,52 pramile ałkaholu. Supracoŭnikam DAI jon rastłumačyŭ, što aŭtamabil uziaŭ u znajomaha bieź jaho dazvołu paśla sumiesnaha zastolla.