«Budzie prysunuta da zachodnich miežaŭ Sajuznaj dziaržavy». Pasoł Hryzłoŭ pra jadziernuju zbroju
Pasoł Rasijskaj Fiederacyi ŭ Biełarusi Barys Hryzłoŭ vykazaŭsia nakont raźmiaščeńnia jadziernaj zbroi ŭ našaj krainie.
02.04.2023 / 20:54
Barys Hryzłoŭ. Skrynšot videa STB
Pasoł paŭtaryŭ, što da 1 lipienia budzie padrychtavana schovišča dla raźmiaščeńnia taktyčnaj jadziernaj zbroi.
«Jana budzie prysunuta da zachodnich miežaŭ našaj Sajuznaj dziaržavy i budzie pavyšać mahčymaści zabieśpiačeńnia našaj biaśpieki. Heta budzie zroblena, niahledziačy na šum u Jeŭropie i ZŠA»,
— skazaŭ Barys Hryzłoŭ u efiry STB.
«Toje, što šmat šumu [u zachodnich ŚMI], — heta ŭžo dobra. Narešcie źviartajuć uvahu, što pavinien być peŭny parytet. Kali my havorym ab raźmiaščeńni amierykanskaj jadziernaj zbroi ŭ krainach Jeŭropy, heta Itałija, Bielhija, Niderłandy, Hiermanija i Turcyja, to pavinny pradprymać dziejańni, jakija buduć pavyšać biaśpieku našaj Sajuznaj dziaržavy. Rasija i Biełaruś — heta terytoryja Sajuznaj dziaržavy, pryčym uzakonienaja, u adroźnieńnie ad terytoryi krain, dzie ZŠA raźmiaščajuć svaju jadziernuju zbroju. Dla ich hetyja krainy — prosta maryjanietki, a ŭ nas adzinaja prastora», — vykazaŭsia Barys Hryzłoŭ.
Kitaj prapanavaŭ nie raźmiaščać jadziernuju zbroju za miažoj