Ажно трэць кватэр у Мінску прадаецца па даверанасці
Колькасць здзелак па даверанасці ў Мінску павялічваецца, распавёў намеснік начальніка аддзела кансалтынгу і аналітыкі агенцтва нерухомасці «Твая сталіца» Андрэй Чарнышоў.
05.04.2023 / 15:40
Чарнышоў адзначыў, што здзелкі з нерухомасцю па даверанасці былі заўсёды, але ў 2019 годзе ў агульнай масе іх было ўсяго 3—5 %, у 2021—2022 іх колькаць вырасла да 10—15 %. Цяпер іх доля складае 30 %.
Паводле Чарнышова, прадаюць нерухомасць як тыя беларусы, што пераехалі нядаўна, так і суайчыннікі, якія жывуць у іншых краінах год ці некалькі гадоў.
Абʼекты, якія выстаўляюць на продаж, — гэта ў асноўным шматпакаёвыя кватэры ў добрых раёнах і з рамонтам.
Больш за 50% прадаўцоў жывуць у Польшчы, астатнія — у Чэхіі, Ізраілі, Літве, Эстоніі, ЗША.
Эксперт звяртае ўвагу, што цяпер мяняюцца патрабаванні да даверанасцяў, таму раіць перад тым, як ісці да натарыуса, удакладніць фармулёўкі ў спецыялістаў па нерухомасці — гэта дазволіць сэканоміць і час, і сродкі.
Прапанова на рынку нерухомасці сёння значна перавышае попыт. Па даных агенцтва, на аднаго патэнцыйнага пакупніка прыходзіцца сем кватэр.
Чытайце таксама:
«Найлепшы загарадны дом у Беларусі, прэміум-клас!» Якія дамы прадаюць на беразе Нарачы