U kancy maja vyjdzie biełaruski pierakład knihi «Śvińni»
Vydaviectva «Januškievič» vypuskaje biełaruskamoŭnuju viersiju knihi žurnalista Alaksandra Čarnuchi.
09.05.2023 / 22:06
Pierakłaŭ knihu Aleś Płotka.
«Aleś Płotka ździejśniŭ sapraŭdny cud i pafarbavaŭ tekst u zusim inšyja adcieńni. I atrymałasia stvaryć asobny suśviet, jaki, naturalna, całkam adpaviadaje aryhinału, ale pry hetym žyvie svaim žyćciom!», — napisaŭ Alaksandr Čarnucha ŭ instahramie.
Jon u kamientaryjach pad publikacyjaj źbiraje achvotnych kupić biełaruskamoŭnaje vydańnie.
«Śvińni» — heta historyja adnaho vydumanaha rajcentra ŭ nieisnujučaj dziaržavie. Čynoŭniki, jakija stracili suviaź z realnaściu i jakija pasyłajuć adzin adnamu važnyja, ale ad hetaha jašče bolš śmiešnyja faksy; siłaviki ŭ bałakłavach, jakija dobra vykonvajuć tolki adnu zadaču — achoŭvajuć pomnik Leninu; śpity redaktar rajonnaj haziety, što stročyć jadavityja paskvili pra niabačnaha voraha; hroznaja dyrektarka doma kultury, jakaja ŭmieje tolki vypalvać cenzuraj lubuju pieśniu.