Зяленскі возьме ўдзел у саміце G7 у Японіі анлайн
У Радзе нацыянальнай бяспекі і абароны Украіны заявілі, што прэзідэнт Уладзімір Зяленскі возьме ўдзел у сустрэчы лідараў G7 у анлайн-рэжыме; да гэтага сакратар РНБА Аляксей Данілаў намякаў, што Зяленскі будзе ў Японіі асабіста.
19.05.2023 / 12:18
Лідары G7 у Хірасіме: прэзідэнт Еўрарады Шарль Мішэль, прэм'ер Італіі Джорджы Мелоні, прэм'ер Канады Джасцін Трудо, прэм'ер Японіі Фуміа Кісіда, прэзідэнт ЗША Джо Байдэн, канцлер Нямеччыны Олаф Шольц, прэзідэнт Еўракамісіі Урсула фон дэр Ляен. Фота: Susan Walsh / AP
Прэс-служба РНБА паведаміла, што прэзідэнт Украіны возьме ўдзел у сустрэчы лідараў G7 у Японіі ў анлайн-рэжыме, піша «Украінская праўда».
«Хто б сумняваўся, што наш прэзідэнт там (на саміце G7) не будзе прысутнічаць. Мы ўпэўненыя, што наш прэзідэнт будзе знаходзіцца там, дзе трэба, у любым пункце свету, каб вырашаць пытанні ўстойлівасці нашай краіны.
Там будуць прымацца вельмі важныя рэчы, таму менавіта фізічная прысутнасць нашага прэзідэнта абсалютна важна для таго, каб адстойваць менавіта нашы інтарэсы — прадастаўляць выразныя прапановы і выразную аргументацыю па тых падзеях, якія адбываюцца на тэрыторыі нашай краіны», — казаў раней Аляксей Данілаў.
Чытайце таксама:
Краіны G7 рыхтуюцца да новых санкцый супраць Расіі — Белы дом