Pryhožyn zajaviŭ, što Bachmut nibyta całkam zachapili
Zasnavalnik PVK «Vahnier» Jaŭhien Pryhožyn zajaviŭ pra ŭziaccie Bachmuta ŭ videazvarocie ŭ svaim telehram-kanale. Ukrainskija ŭłady pakul nie kamientavali hetaj zajavy.
20.05.2023 / 16:09
Raniej u Ministerstvie abarony Vialikabrytanii zajavili, što za apošnija niekalki dzion kamandavańnie rasijskich vojskaŭ z vysokaj dolaj vierahodnaści pierakinuła pa mienšaj miery niekalki bajavych padraździaleńniaŭ na bachmucki kirunak. Uziaccie Bachmuta, vidavočna, pa-raniejšamu ŭjaŭlajecca rasijskamu kamandavańniu klučavoj taktyčnaj zadačaj, bo heta dazvolić Maskvie «zajavić pra choć niejkija pośpiechi» na froncie.
Bai za horad iduć užo bolš za dzieviać miesiacaŭ — sa žniŭnia minułaha hoda. Niahledziačy na pastupovaje prasoŭvańnie, całkam uziać horad rasijskim siłam ŭvieś hety čas nie ŭdavałasia, choć hetaja bitva nanosiła vialikija straty abodvum bakam.
Čytajcie taksama:
Źjavilisia padrabiaznaści hibieli kalinoŭcaŭ u Bachmucie: «čacviora zastałosia pad zavałami»
USU ruchajucca da Bachmuta, za sutki prasunulisia na 150—1700 mietraŭ