Viadoma repietytaru Jaŭhienu Liviantu dali try hady chatniaj chimii
Pra prysud «Radyjo Svaboda» stała viadoma ad ułasnych krynic.
25.05.2023 / 15:47
Jaŭhien Liviant. Fota: «Naša Niva»
Razhladać kryminalnuju spravu ŭ dačynieńni da Jaŭhiena Livianta i jašče šaści abvinavačanych razhladali z 19 maja ŭ sudzie Maskoŭskaha rajona stalicy (suddzia Kaciaryna Muraška).
Siamju Liviantaŭ (jaho, žonku, dvuch dačok i ziacia) zatrymali 26 śniežnia. Pryčym adnu dačku i ziacia paśla viartańnia z Polščy.
«Jany abvinavačvajucca ŭ tym, što 16 žniŭnia 2020 hoda ŭ Minsku ŭdzielničali ŭ hrupavych dziejańniach, jakija hruba parušajuć hramadski paradak i spałučanyja ź vidavočnym niepadparadkavańniem zakonnym patrabavańniam pradstaŭnikoŭ ułady, što paciahnuła parušeńnie pracy transpartu i pradpryjemstvaŭ», — paviedamlali ŭ sudzie.
Pra prysud inšym čalcam siamji nie paviedamlałasia.
Raniej Livianta abvinavačvali taksama ŭ raspaŭsiudžvańni «ektremisckaj» infarmacyi, a taksama ŭ tym, što jaho repietytarski centr «100 bałaŭ» nibyta ŭchilaŭsia ad padatkaŭ. Ale hetyja abvinavačańni akazalisia hałasłoŭnymi i paśla nie fihuravali ŭ sudzie.
Čytajcie taksama:
Byłaja źniavolenaja raskazała pra sustreču z Nastaj Łojka i siamjoj Liviantaŭ za kratami
Što za kabiniety, dzie prapahandysty zapisvajuć intervju z zatrymanymi?
Pa vynikach pravierki repietytarskaha centra «100 bałaŭ» zaviali šeść kryminalnych spraŭ