U Biełarusi abvieščany konkurs na pastaŭku vakcyny suprać hrypu
17.11.2009 / 17:44
Pra heta paviedamiła 17 listapada na pres‑kanfierencyi ŭ Minsku namieśnik hałoŭnaha ŭrača Respublikanskaha centra hihijeny, epidemijałohii i hramadskaha zdaroŭja Ludmiła Narojčyk.
Pavodle jaje słoŭ, u liku krain, jakija razhladajucca ŭ jakaści patencyjnych pastaŭščykoŭ vakcyny, — Rasija, Francyja i Hiermanija. Narojčyk nie ŭdakładniła, kolki doz vakcyny miarkuje zakupić Biełaruś. Adnak, pavodle jaje infarmacyi, vakcyny pavinna chapić na hrupy ryzyki i na asob, jakija «ihrajuć važnuju rolu ŭ žycciezabieśpiačeńni krainy».
Miarkujecca, što vakcyna pastupić u Biełaruś u kancy listapada — śniežni.
Narojčyk taksama adznačyła, što vakcyna suprać siezonnaha hrypu na 70% zabiaśpiečvaje zaściarohu suprać hrypu A (H1N1). Adnak vakcyna suprać siezonnaha hrypu, jakaja była zakuplena za biudžetnyja hrošy, užo zraschodavana, paviedamiła śpiecyjalist.
Jana nie skazała, kali čakajecca druhaja chvala rostu zachvorvańnia na hryp i VRVI. Pavodle jaje słoŭ, pieršaja chvala ŭ hetym hodzie nastupiła našmat raniej čym zvyčajna.