Łukašenka i Pucin pavinšavali Erdahana ź pieravybrańniem na pasadu prezidenta Turcyi
«Pierakanaŭčaj» nazvaŭ Łukašenka pieramohu Erdahana, jakaja adbyłasia tolki ŭ druhim tury i ź minimalnym adryvam.
28.05.2023 / 21:57
Alaksandr Łukašenka ŭ svaim zvarocie da prezidenta Turcyi zajaviŭ, što ličyć Redžepa Erdahana «hodnym, mocnym palitykam».
«Liču vas hodnym, mocnym palitykam i dobrym siabram Biełarusi. U nas adnolkavyja intaresy pa deeskałacyi mižnarodnaj abstanoŭki, zabieśpiačeńni charčovaj biaśpieki i mirnym vyrašeńni sprečak. Možacie na nas zaŭsiody raźličvać», — źviarnuŭsia da Erdahana Łukašenka.
Pucin nazvaŭ pieramohu Erdahana «zakanamiernaj».
«Pieramoha na vybarach stała zakanamiernym vynikam vašaj samaaddanaj pracy na pasadzie kiraŭnika Tureckaj Respubliki», — napisaŭ Pucin Erdahanu.
U Turcyi siońnia prajšoŭ druhi tur prezidenckich vybaraŭ. Paśla apracoŭki bolš za 98% biuleteniaŭ Erdahan atrymlivaje 52% hałasoŭ, Kyłyčdarohłu — 48%, paviedamlajuć ahienctvy navin. Aficyjnyja danyja vybarčaj kamisii pakul nie apublikavanyja.
Vystupajučy pierad svaimi prychilnikami, Erdahan abviaściŭ siabie pieramožcam vybaraŭ.
Čytajcie taksama:
Kurs tureckaj liry ŭpaŭ da čarhovaha histaryčnaha minimumu
Vybary stahoddzia ŭ Turcyi: čamu za imi sočyć usia Jeŭropa
Erdahan nazvaŭ pieršy tur «śviatam demakratyi» i ŭpeŭniena skazaŭ, što pieramoža ŭ druhim