Čarhovaja ataka na Kijeŭ: vybuchi ŭ horadzie i padzieńnie abłomkaŭ
U Kijevie siońnia dniom była abvieščanaja pavietranaja tryvoha. Mer Kijeva Vital Kličko paviedamiŭ pra vybuchi ŭ horadzie i pra padzieńnie abłomkaŭ rakiety na prajeznuju častku darohi ŭ Abałonskim rajonie.
29.05.2023 / 12:25
U Abałonski rajonie abłomki rakiety ŭpali na prajeznuju častku. Fota: KDVA
U Kijeŭskaj haradskoj administracyi ŭdakładnili, što pavodle papiaredniaj infarmacyi z pryčyny pracy SPA «adbyłosia padzieńnie abłomkaŭ u Padolskim rajonie Kijeva».
Tam taksama paviedamili, što ŭ Padolskim rajonie stalicy ŭ vyniku padzieńnia abłomkaŭ adbyłosia ŭzharańnie na dachu 2-ch paviarchovaha budynka. Pažar łakalizavany, udakładniajuć u haradskoj administracyi. Adzin z paciarpiełych u Padolskim rajonie špitalizavany, paviedamiŭ Kličko.
Taksama Kličko paviedamiŭ ab vybuchach u Dziaśnianskim rajonie Kijeva.
Siońnia nočču ŭkrainskija siły abarony źniščyli bolš za 40 pavietranych celaŭ nad Kijevam, abyšłosia biez krytyčnych razbureńniaŭ, zahinułych i paciarpiełych.