Зяленскі заявіў, што пытаннем Прыднястроўя Украіна можа заняцца пасля вайны: «Трэба гаварыць з пазіцыі дзяржавы-пераможцы»
На прэс-канферэнцыі з нагоды саміту Еўрапейскай палітычнай супольнасці прэзідэнт Украіны Уладзімір Зяленскі адзначыў, што лёс гэтага падкантрольнага Маскве рэгіёна будзе вырашаць Малдова разам з саюзнікамі.
01.06.2023 / 20:17
Уладзімір Зяленскі лічыць, што рашэнне па далейшым лёсе Прыднястроўя павінна прымацца з удзелам Украіны, паколькі яна з'яўляецца суседам Малдовы.
Зяленскі даў зразумець, што Украіна можа ўмяшацца ў пытанне Прыднястроўя, але толькі пасля заканчэння вайны ва Украіне.
«Трэба гаварыць з пазіцыі моцнай дзяржавы, дзяржавы-пераможцы, якая адваявала сваю зямлю. У гэты момант і будзем размаўляць», — сказаў ён.
Адносна расійскага вайсковага кантынгенту, які знаходзіцца на тэрыторыі Прыднястроўя, ён заявіў, што «калі яны хочуць жыць, яны сыдуць».
Зяленскі дадаў, што не будзе «замаўляць таксі» расійскім вайскоўцам, размешчаным у Прыднястроўі.
Раней па тэлеграм-каналах прайшла нібыта заява Маі Санду аб тым, што Малдова гатовая даць магчымасць УСУ вырашыць пытанне з Прыднястроўем, але на самай справе прэзідэнт Малдовы такога не казала.
Саміт краін Еўрасаюза і іх суседзяў адбыўся на правым беразе Днястра, у малдаўскай вёсцы Більбоака.
Чытайце таксама:
Польшча перадае Малдове зброю і боепрыпасы для ўмацавання бяспек
Пуціна арыштуюць, калі прыедзе ў Малдову — Санду
Рэкордная для Малдовы колькасць дэманстрантаў сабралася на сход у падтрымку еўраінтэграцыі
«Сімвал агрэсіі». У Малдове будуць штрафаваць за георгіеўскія стужкі