Пляменніца караля Вялікабрытаніі прынцэса Яўгенія нарадзіла другога сына. Яго назвалі Эрнэст Джордж Роні
Ён з'явіўся на свет 30 мая.
06.06.2023 / 08:01
Пляменніца караля Карла III прынцэса Яўгенія нарадзіла другое дзіця — хлопчыка, якога назвалі Эрнэст Джордж Роні.
Фота з інстаграма прынцэсы Яўгеніі
Яўгенія замужам за Джэкам Брукбэнкам, у іх ужо ёсць сын Аўгуст, які нарадзіўся ў 2021 годзе. Аб нараджэнні дзіцяці пара абвясціла ў інстаграме. Яўгенія падзялілася фатаграфіяй Эрнэста ў вязанай сіне-белай шапачцы, піша Бі-бі-сі
Яўгенія сказала, што малога назвалі ў гонар «яго пра-пра—прадзеда Джорджа, яго дзядулі Джорджа і майго дзядулі Рональда».
Пра-пра-прадзедам хлопчыка быў кароль Георг V, у якога адным з сярэдніх імёнаў было Эрнэст. Яно і дасталася нованароджанаму.
Фота з інстаграміа прынцэсы Яўгеніі
32-гадовая Яўгенія — дачка герцага Ёркскага Эндру, сярэдняга сына каралевы, і Сары (Фергі), герцагіні Ёркскай, і ўнучка памерлай каралевы.
Новы член каралеўскай сям'і Эрнэст Бруксбэнк цяпер займае 13-е месца ў чарзе на пасад, а герцаг Эдынбургскі ў выніку яго з'яўлення на свет апусціўся на 14-е месца.
Вядома, што сваё першае дзіця Яўгенія нараджала ў прыватнай клініцы Portland Hospital.
На публіцы прынцэса апошні раз паказвалася 6 мая на каранацыі караля.