Клуб, які заняў 9-е месца ў чэмпіянаце Беларусі, выступіць у еўракубках. Як такое магчыма?
Гродзенскі «Нёман» згуляе ў кваліфікацыі Лігі канферэнцый замест «Іслачы», якая раней атрымала гэта права пасля адхілення «Шахцёра» і «Іслачы», піша sport5.by.
06.06.2023 / 16:44
Калаж Sport5.by
Нядаўні скандал са здыманнем ачкоў і разжалаваннем «Шахцёра», а таксама «Энергетыка-БДУ» быццам бы адкрыў дарогу ў еўракубкі прысталічнаму клубу. Аднак УЕФА не пагадзілася дапусціць «ваўкоў».
Па інфармацыі Sport5.by, праблема ў тым, што «Іслач» у 2016-м годзе аказалася замяшанай у дамоўных матчах і паводле нормаў УЕФА не можа ўдзельнічаць у міжнародных гульнях. Афіцыйна дэталі гэтай заблытанай гісторыі абвесцяць найбліжэйшым часам.
Гродзенцы сталі 9-мі па выніках чэмпіянату Беларусі ў сезоне-2022, аднак атрымалі еўракубкавую ліцэнзію па ходзе Кубка Беларусі-2022/23, дзе выйшлі ў паўфінал. «Мінск» і «Гомель», якія занялі 6-е і 7-е месцы ў ЧБ-2022, не спрабавалі атрымаць ліцэнзіі да абвяшчэння пра пакараннi па справе «Шахцёра», да моманту якога прайшлі тэрміны падачы дакументаў. «Тарпеда-БелАЗ», які стаў 8-м у мінулым сезоне, згуляе ў Лізе канферэнцый як пераможца Кубка Беларусі, дадае «Трыбуна».
У сёлетнім чэмпіянаце «Нёман» ідзе на 2-м месцы.
Лёсаванне пачатковых стадый Лігі чэмпіёнаў, Лігі Еўропы і Лігі канферэнцый пройдзе 20-21 чэрвеня. У кваліфікацыі Лігі чэмпіёнаў выступіць БАТЭ.
Чытайце таксама:
З беларускіх футбольных клубаў працягваюць здымаць ачкі
У салігорскага «Шахцёра» забралі чэмпіёнства 2022 года, а таксама 30 ачкоў у гэтым сезоне
Чаму апошні кейс з дагаварнякамі ў беларускім футболе — лютая ганьба