U Kijevie zvolniać čynoŭnika, jaki šastaŭ pa restaranach padčas kamiendanckaj hadziny
Mer Kijeva Vital Kličko paabiacaŭ, što prymusić zvolnicca dyrektara Departamienta achovy kulturnaj spadčyny Kijeŭskaj haradskoj dziaržadministracyi Alaksandra Nikarajaka, jakoha zaŭvažyli na vulicach stalicy i ŭ restaranie padčas kamiendanckaj hadziny.
07.06.2023 / 14:38
Restaran «Bijaryc»
«Za parušeńnie kamiendanckaj hadziny jość administracyjnaja adkaznaść dla ŭsich hramadzian, a čynoŭnik luboha ranhu niasie jašče i palityčnuju adkaznaść. Dyrektar departamienta achovy kulturnaj spadčyny KHDA Alaksandr Nikarak, jakoha nočču, u hłybokuju kamiendanckuju hadzinu, zaŭvažyli na vychadzie z restarana, budzie zvolnieny. Skazaŭ jamu pisać zajavu», — napisaŭ Kličko.
Kličko taksama zaklikaŭ pravaachoŭnyja orhany kantralavać zabaŭlalnyja ŭstanovy i ŭstanovy charčavańnia i karać ich za pracu ŭ kamiendanckuju hadzinu.
Dniami čynoŭnik Kijeŭskaj haradskoj dziaržadministracyi Alaksandr Nikarak, jaki zajmajecca kulturnaj spadčynaj u stalicy, razam sa staličnym zabudoŭščykam Arturam Mchitaranam naviedvaŭ restaran «Bijaryc» u kamiendanckuju hadzinu i pavietranuju tryvohu. Nikarak jeździŭ pa stalicy z kartežam Mchitarana.
Staličny čynoŭnik pakinuŭ ustanovu a 2-j hadzinie nočy. A 3-j nočy da restarana padjechali pravaachoŭniki, ale jany chutka źjechali, bo nie było ni ludziej, ni šumu.