«Pramuju liniju» z Pucinym adkłali praź niavyznačanaść situacyi na froncie
Pres-kanfierencyju pakul pieranieśli na kaniec hoda.
08.06.2023 / 13:59
Uładzimir Pucin. Fota Mikhail Menzel Sputnik Pool Photo via AP
«Pramuju liniju» Uładzimira Pucina papiarednie pieranieśli z červienia na listapad — śniežań hetaha hoda. Heta źviazvajuć, u pryvatnaści, ź situacyjaj na froncie va Ukrainie, pra heta piša «Kommiersant» sa spasyłkaj na krynicy.
«Ciapier papiarednie płanujecca pravieści jaje («pramuju liniju») u listapadzie — śniežni», — skazała krynica.
Pa słovach surazmoŭcy vydańnia, vybar takoha časovaha pramiežku źviazany z padziejami na froncie va Ukrainie, tamu lepš dačakacca peŭnaści z hetaj situacyjaj.
Taksama krynica adznačyła, što pažadana, kab mierapryjemstva adbyłosia da abviaščeńnia prezidenckich vybaraŭ u Rasii, bo pravodzić jaho ŭžo paśla taho, jak pačniecca aficyjnaja kampanija, budzie składaniej.
Čytajcie taksama:
Łukašenka choča vybudavać z Rasijaj prastoru nakštałt Savieckaha Sajuza