«Ціхі забойца». Bloomberg паведаміў пра спёку +50°С у Еўропе з-за цеплавога выбуху
Цяперашні тэмпературны рэкорд у Еўропе быў зафіксаваны ўсяго два гады таму (48 градусаў цяпла на Сіцыліі).
18.07.2023 / 08:00
З-за «цеплавога выбуху» ў Сахары спёка ў паўднёвых дзяржавах Еўропы ў бліжэйшыя дні ўзмоцніцца — на італьянскай Сардзініі яна можа падняцца да рэкордных 50 градусаў цяпла, піша Bloomberg са спасылкай на даныя метэаслужбаў.
Цяперашні тэмпературны рэкорд у Еўропе быў зафіксаваны ўсяго два гады таму (48 градусаў цяпла на Сіцыліі). Аднак новая хваля цяпла з Паўночнай Афрыкі, названая ў гонар Харона — міфічнага перавозчыка, які дастаўляў душы мёртвых у падземнае царства, — можа абнавіць рэкорд цяпла адразу ў некалькіх рэгіёнах Еўропы.
Зараз незвычайна гарачае тэмпература захоўваецца ў Афінах, Рыме і Мадрыдзе. У сталіцы Іспаніі сёння будзе +38°С, у Афінах сёння +37°С, на выходных +42°С, у Рыме сёння +40°С.
Акрамя краін Паўднёвай Еўропы, спякота будзе ўзмацняцца і ў цэнтральнай яе частцы — 16 ліпеня ўлады Нямеччыны папярэдзілі, што ва ўсходніх і паўднёвых рэгіёнах краіны тэмпература ў бліжэйшыя дні можа падняцца да 38 градусаў.
Чэрвень ужо стаў самым гарачым месяцам за ўсю гісторыю назіранняў у Еўропе. Таксама экстрэмальныя тэмпературы захоўваюцца ў Паўночнай Амерыцы, у прыватнасці ў Канадзе і ЗША, напрыклад у Арызоне, у горадзе Фінікс +47°С, прычым уначы слупок тэрмометра не апускаецца ніжэй за 32 градусы. У Лас-Вегасе +46°С, у Даліне смерці ў Каліфорніі +53,9°С
Паводле звестак брытанскага Метэаралагічнага цэнтра, у нядзелю ў Кітаі была зарэгістраваная самая высокая тэмпература ў гісторыі краіны: у правінцыі Сіньцзян слупок тэрмометра падняўся да 52,2°C.