На сёння абяцаюць складаныя ўмовы надвор'я: моцныя дажджы, навальніцы, град
Таксама сіноптыкі абяцаюць паніжэнне тэмпературы. Абвешчаны аранжавы ўзровень небяспекі.
07.08.2023 / 06:55
Фота: «Наша Ніва»
У панядзелак надвор'е ў краіне будуць фарміраваць актыўныя і кантрасныя франтальныя раздзелы.
На большай частцы тэрыторыі краіны — рэзкае паніжэнне тэмпературнага фону. Днём чакаюцца дажджы, у тым ліку моцныя з навальніцамі і градам.
У аўторак 8 жніўня ў Беларусь з перыферыі цыклона з цэнтрам над Швецыяй пачне паступаць прахалоднае паветра.
На большай частцы краіны пройдуць кароткачасовыя дажджы, удзень у асобных раёнах прагрымяць навальніцы. Уначы тэмпература будзе знаходзіцца ад + 8 да +14°С, удзень — ад +16°С на паўночным захадзе да + 24°С на паўднёвым усходзе.