У Бабруйску не зарэгістравалі «лішняга» кандыдата ў парламент — не дапамагло нават тое, што ён з сілавікоў
Ад Магілёўшчыны выбіраецца-прызначаецца 13 дэпутатаў Палаты прадстаўнікоў. У вобласці вырашылі, што гэтага працэсу патрэбна роўна 26 кандыдатаў — на кожную акругу дастаткова будучага пераможцы і ягонага спарынг-партнёра.
31.01.2024 / 12:49
Але так выйшла, што дакументы на рэгістрацыю прынеслі 27 чалавек. Хто ж аказаўся дваццаць сёмым лішнім? Знаёмцеся, 31-гадовы Ілья Хейдэр, інструктар атрада вайсковай часткі 89417. Яму не дапамагла нават блізкасць да сілавікоў.
Ілья Хейдэр, фота з сацсетак за пачатак 2010-ых.
Хейдэр сабраў нейкія подпісы ў сваю падтрымку, але ўсё прадказальна пайшло не так. У фінальным спісе зарэгістраваных кандыдатаў яго няма.