Беларусь разам з Ленінградскай вобласцю запускаюць сваю IKEA
Ленінградская вобласць і Беларусь маюць намер сабраць былых пастаўшчыкоў IKEA пад новым брэндам. Стварэнне сумеснага з Беларуссю камерцыйнага ланцужка па вытворчасці і продажы мэблі, які заменіць шведскі брэнд IKEA, абмяркоўваў у Мінску губернатар Ленінградскай вобласці Аляксандр Драздзенка.
11.02.2024 / 13:38
Кіраўнік расейскага рэгіёну наведаў мэблевы шоурум BYSPAN, дзе для яго правялі прэзентацыю ўзораў прадукцыі беларускіх мэблевых прадпрыемстваў.
«У Расеі і Беларусі ёсць рэальная магчымасць «сабраць» IKEA пад новым брэндам», — упэўнены Драздзенка.
Ён распавёў, што беларусы вырашылі адно з галоўных тэхналагічных пытанняў — поўнасцю замясцілі фурнітуру, «у тым ліку праз пастаўкі дружалюбных дзяржаў».
Паводле Драздзенка, раней вытворчасцям, якія працавалі «пад парасонам» IKEA не хапала кампетэнцый у лагістыцы і гандлі.
«Але зборка камерцыйнай сістэмы пачалася ўжо. Ленвобласть удзельнічае», — сказаў Драздзенка.
Чытайце таксама:
Ikea паскорыла зборку мэблі ўдвая дзякуючы сістэме Lego
З Беларусі сышла кампанія Novo Nordisk. Што цяпер будзе з пастаўкамі інсуліну?
Аўстрыйскі дрэваапрацоўчы холдынг Kronospan пазбавіўся ад свайго бізнэсу ў Беларусі