Трамп знашоў, як пакрыць мільённы штраф. Будзе прадаваць красоўкі
Прэзентацыя залатых красовак прайшла на наступны дзень пасля таго, як суд прызнаў Трампа вінаватым у махлярстве.
18.02.2024 / 22:35
Трамп на прэзентацыі ўласнага брэнда красовак. Фота з сацсетак
Амерыканскі экс-прэзідэнт Дональд Трамп запусціў уласны брэнд красовак пад назвай Trump Sneakers.
У лінейцы прадстаўлены тры пары абутку, у тым ліку залатыя красоўкі з літарай T і сцягам ЗША па баках. Назва ў іх сімвалічная — the Never Surrender High-Tops («ніколі не здавайся»).
«Смелыя, залатыя і трывалыя, як прэзідэнт Трамп», — паведамляецца ў апісанні да абутка.
Каштаваць адна пара залатых красовак ад Трампа будзе 399 даляраў.
17 лютага суд Нью-Ёрка абавязаў палітыка і ягоную кампанію The Trump Organization выплаціць 355 млн даляраў штрафу, прызнаўшы яго вінаватым у наўмысных фінансавых махінацыях на працягу дзесяці гадоў.