Ukraina prakinuła Jarmošynu
Kijeŭ nie zaprasiŭ na prezidenckija vybary naziralnikaŭ z CVK Biełarusi
11.01.2010 / 16:17
Pradstaŭniki Centralnaj vybarčaj kamisii Biełarusi nie pajeduć naziralnikami na prezidenckija vybary va Ŭkrainu, paviedamiŭ sakratar CVK Biełarusi Mikałaj Łazavik.
Pavodle jaho słovaŭ, ukrainski CVK nie zaprasiŭ kalehaŭ ź Biełarusi. Za vybarami prezidenta Ŭkrainy buduć nazirać deputaty Pałaty pradstaŭnikoŭ, jakija pajeduć u składzie delehacyi naziralnikaŭ ad SND.
Dla manitorynhu prezidenckich vybaraŭ va Ŭkrainu pajedzie taksama hrupa naziralnikaŭ ad biełaruskich pravaabaroncaŭ u składzie 50 čałaviek. Ładzić hrupu naziralnikaŭ i JEHU, ad jakoha pajedzie kala 20 čałaviek.
Prezidenckija vybary va Ukrainie projduć 17 studzienia.