U Polščy za sakavik zahinuli piać vajskoŭcaŭ, usie vučeńni prypynienyja
U Polščy prypynili ŭsie vajskovyja vučeńni z vykarystańniem vybuchovych rečyvaŭ i bajavoj techniki. Jak havorycca ŭ paviedamleńni pres-słužby Minabarony krainy, vyklučeńnie — tolki mierapryjemstvy viedamstva za miežami Polščy, u tym liku datyčnyja navučańnia ŭkrainskich sałdat. Adpaviednuju pastanovu vydaŭ ministr abarony Polščy Uładzisłaŭ Kasiniak-Kamyš.
27.03.2024 / 17:41
Polskija vajskovyja mašyny kala miažy z Ukrainaj. Fota: AP Photo/Evgeniy Maloletka
Adznačajecca, što viedamstva pačało pierahlad mier biaśpieki padčas navučańnia sałdat z-za niaščasnych vypadkaŭ, jakija adzin za adnym adbylisia ŭ polskim vojsku ŭ apošnija tydni.
U pačatku sakavika padčas trenirovak Dragon-2024 (praduhledžanyja maštabnymi vučeńniami NATO Steadfast Defender 2024) husieničnaja mašyna pierajechała dvaich žaŭnieraŭ 1-j tankavaj bryhady, jany zahinuli. U hetych manieŭrach brali ŭdzieł kala 20 tys. vajskoŭcaŭ i 3,5 tys. adzinak techniki ź dziesiaci dziaržaŭ — členaŭ Paŭnočnaatłantyčnaha aljansu.
Taksama 25 sakavika ŭ chodzie vučeńniaŭ z padryvam traciłu zahinuli dvoje sapioraŭ 5-ha Tarnavahurskaha chimičnaha pałka.
A na nastupny dzień padčas vučeńniaŭ u hornych rajonach u vyniku schodu łaviny zahinuŭ jašče adzin polski vajskoviec.
Čytajcie taksama:
U Polščy skandał: pa płanie abarony 2011 hoda armija mieła adstupić na liniju Visły
Vojski NATA farsiravali raku Visłu
NATA: Treba rychtavacca da taho, što ŭ nastupnyja 20 hadoŭ pačniecca vajna z Rasijaj