Упершыню ў Беларусі апарат МРТ паставяць у паліклініцы
Мантаж МРТ будзе праводзіцца ў рамках капітальнага рамонту ўстановы аховы здароўя.
09.04.2024 / 09:51
Ілюстрацыйнае фота moskovia.ru
У мінскай паліклініцы №2 з'явіцца ўласны МРТ, паведаміў старшыня камітэта па ахове здароўя Мінгарвыканкама Ігар Юркевіч.
Гэта першы выпадак у краіне, калі такое складанае і дарагое абсталяванне ставіцца не ў стацыянары. Мантаж МРТ будзе праводзіцца ў рамках капітальнага рамонту ўстановы аховы здароўя.
Са слоў Юркевіча, больш за 10 млн рублёў выдзелена сёлета з бюджэту горада на бягучы рамонт дзіцячых арганізацый аховы здароўя. Таксама ён распавёў, што працягнецца праца па праектаванні блока «6» дзіцячай інфекцыйнай бальніцы. Выдзелены асігнаванні на мадэрнізацыю сістэмы вентыляцыі 3-й дзіцячай клінікі.