Газетам забаранілі публікаваць звесткі пра нованароджаных
Ці можна ў мясцовых газетах або на сайтах публікаваць без згоды бацькоў навіны пра нованароджаных? Не, патлумачылі ў Нацыянальным цэнтры абароны персанальных звестак, паведамляе прэс-служба цэнтра.
17.04.2024 / 13:48
Ілюстрацыйнае фота «Наша Ніва»
У цэнтр паступіла скарга, што на інтэрнэт-сайце адной газеты без згоды бацькоў кожны месяц публікуюцца навіны аб нованароджаных, якіх зарэгістраваў аддзел ЗАГС. Прычым указваюць прозвішча, імя і імя па бацьку малых, а таксама даты іх нараджэння.
Як тлумачаць у Нацыянальным цэнтры абароны персанальных звестак, размяшчэнне такой інфармацыі на сайце СМІ лічыцца распаўсюджваннем персанальных даных, што ідзе без належных прававых падстаў. У выніку па патрабаванні цэнтра публікацыі спынілі.
Удакладняецца, што распаўсюджванне персанальных звестак і іншая іх апрацоўка магчымыя толькі са згоды суб'екта або ў выпадках, прадугледжаных заканадаўствам.
У Беларусі забаранілі дзіцячую вопратку папулярнага брэнда
Гінеколаг з Гродна стварыла дадатак для жанчын — аналаг сусветна вядомага Flo