U Minsku źjavicca anłajn-karta dla turystaŭ
U Minsku raspracavali prajekt vizualnaj adrasnaj aryjentacyi turystaŭ i žycharoŭ horada, paviedamiŭ dyrektar infarmacyjna-turysckaha centra «Minsk» Alaksiej Rusakievič.
27.04.2024 / 15:54
Płošča Niezaležnaści ŭ Minsku
Alaksiej Rusakievič adznačyŭ, što prajekt, jaki ciapier znachodzicca na stadyi zaćviardžeńnia, praduhledžvaje stvareńnie šerahu infarmacyjnych stendaŭ, uklučajučy turystyčnuju kartu horada. QR-kody, raźmieščanyja na hetych stendach buduć vieści na partał, dzie turysty i žychary stalicy zmohuć bolš padrabiazna aznajomicca z tymi abjektami, jakija jość mahčymaść naviedać.
Taksama ŭ horadzie realizujecca jašče adzin piłotny prajekt — turystyčnyja zony Minska. Ciapier idzie farmiravańnie takich prastor. Dla ich buduć pradstaŭlenyja rekłamna-infarmacyjnyja źviestki, a taksama danyja pra zapłanavanyja padziei ŭ abranaj zonie i pra inšyja turystyčnyja abjekty horada.
Adzinuju słavutaść Klimavičaŭ faktyčna źnieśli FOTA
Hrodziency patrabujuć rastłumačyć, kudy źnikła miemaryjalnaja doška Tadevuša Kaściuški
Rasijskija turysty znajšli jašče adnu pryčynu pajechać u Biełaruś