Łukašenka i Miadźviedzieŭ dumajuć najbližejšym časam sustrecca
29.03.2010 / 16:11
29 sakavika adbyłasia telefonnaja razmova prezidentaŭ Biełarusi i Rasii Alaksandra Łukašenki i Dźmitryja Miadźviedzieva.
Jak paviedamiła pres‑słužba prezidenta Biełarusi, lidery dźviuch krain zakranuli šerah pytańniaŭ biełaruska‑rasijskich adnosin. U pryvatnaści, Alaksandr Łukašenka i Dźmitryj Miadźviedzieŭ abmierkavali mahčymaść praviadzieńnia ŭ najbližejšy čas sustrečy, na paradak dnia jakoj možna było b vynieści ŭvieś śpiektr dvuchbakovaha supracoŭnictva. U suviazi z hetym kiraŭnikam prezidenckich administracyj dadzieny adpaviednyja daručeńni pa padrychtoŭcy takoj sustrečy na vyšejšym uzroŭni.
Kiraŭnik biełaruskaj dziaržavy taksama «vykazaŭ ščyryja spačuvańni kiraŭnictvu Rasii, ŭsiamu rasijskamu narodu ŭ suviazi z žachlivym terarystyčnym aktam u maskoŭskim mietro, jaki pryvioŭ da šmatlikich čałaviečych achviar», paviedamiła pres‑słužba.