Бакіеў збег з Бішкека
Падчас пасадкі яго ў самалёт ахова страляла ў паветра.
07.04.2010 / 18:31
Падчас пасадкі яго ў самалёт ахова страляла ў паветра.
Самалёт прэзідэнта Кыргызстана Бакіева вылецеў з аэрапорта «Манас» каля 20-й паводле тамтэйшага часу (17.00 - Менск). Паводле непацверджаных звестак, Бакіева даставілі проста да самалёта, пасля чаго той адразу пакінуў Бішкек.
Супрацоўнікі аэрапорта пацвердзілі гэтую інфармацыю міжнародным агенцтвам. Меркавана, Бакіеў вылецеў на поўдзень краіны, адкуль паходзіць.