Станіслаў Шушкевіч: Я лётаў на гэтым самалёце
Першы кіраўнік незалежнай Беларусі Станіслаў Шушкевіч — пра трагедыю над Смаленскам.
10.04.2010 / 14:58
Першы кіраўнік незалежнай Беларусі Станіслаў Шушкевіч — пра трагедыю над Смаленскам.
«Мне даводзілася лётаць на гэтым самалёце з Качыньскім. Апошні раз ляцелі 4 чэрвеня летась у Люблін з Варшавы. Яшчэ раз лёталі ў Гданьск і назад, калі праходзіла святкаванне 90‑годдзя Польскай дзяржавы.
Вельмі смуткую з прычыны катастрофы. Качыньскі быў тым палітыкам, які добра ставіўся да Беларусі. Лех Качыньскі і Марыуш Гандзлік, намеснік дзяржсакратара канцылярыі прэзідэнта, які таксама загінуў, як ніхто іншыя разбіраліся ў беларускай сітуацыі. Гэта была сумленная і канструктыўная каманда.
Раніцай сёння праглядзеў тыя віншаванні, якія мне накіравалі ў сувязі з Вялікднем. Там было шмат віншаванняў ад людзей, якія загінулі сёння. Я нават не паспеў усім адказаць. Вельмі сумна».