Siońnia ŭ Minsku pačynajuć pracavać fantany

30.04.2010 / 15:16

30 krasavika ŭ 18.00 pačnuć pracavać staličnyja fantany.

Jak paviedamiŭ načalnik učastka fantanaŭ upraŭleńnia «Centr» pradpryjemstva «Minskzielenbud» Michaił Pryvałaŭ, u padparadkavańni pradpryjemstva znachodziacca 29 fantanaŭ, jakija hałoŭnym čynam raźmieščany ŭ centry horada. Siarod ich — samy stary fantan «Chłopčyk ź lebiedziem» u skviery kala Nacyjanalnaha akademičnaha teatra imia Janki Kupały. Astatnija fantany ličacca na bałansie asobnych pradpryjemstvaŭ i viedamstvaŭ.

Pavodle słoŭ Pryvałava,

u stalicy naličvajecca bolš jak 60 fantanaŭ.

Paśla zimy na ŭsich hetych abjektach byŭ praviedzieny biahučy ramont, mantaž abstalavańnia, kaśmietyčnaja ŭborka.

Sioleta ŭ horadzie pačnuć pracavać piać novych fantanaŭ kala kompleksu «Minsk‑Arena». Da leta płanujecca zaviaršyć raboty pa budaŭnictvie dvuch fantanaŭ na Kamsamolskim voziery.

BiełaPAN