U Viaśniancy rybak začapiŭ vudaj ŁEP
Abnoŭlena, dadalisia foty.
Mužčyna zastaŭsia žyvym. Na im abhareła ŭsia vopratka i skura. Na miescy zdareńnia zabiła kala sotni rybin.
28.05.2010 / 18:57
Mužčyna zastaŭsia žyvym. Na im abhareła ŭsia vopratka i skura. Na miescy zdareńnia zabiła kala sotni rybin.
Ad vopratki niebaraki mała što zastałosia.
Kala bieraha i dalej ad jaho pačała ŭspłyvać zabitaja elektryčnym razradam ryba.
Heta vuda Valeryja paśla kantaktu z ŁEP.
Siabar rybaka.
© Fota Naša Niva
Rybałka ŭ mikrarajonie Viaśnianka dla 55-hadovaha Valeryja P. ledź nie skončyłasia trahiedyjaj. Mužčyna rybačyŭ na adrezku Śvisłačy pamiž futbolnym maniežam i parkam «Drymłend». A 18-j jon zakidvaŭ vudu i začapiŭ vysakavoltnuju ŁEP. Prahučali dva hučnyja chłapki. Śviedkam zdareńnia apynuŭsia čytač «NN» Jarasłaŭ.
Pa jaho słovach, na mužčynie ad kantaktu z ŁEP zhareła ŭsia vopratka, abhareła skura i vałasy. Płastykavaja vuda apłaviłasia. Na miescy, dzie siadzieŭ rybak, vyharała trava, a pry bierazie, kudy mužčyna zakidaŭ vudu, pačała ŭspłyvać zahinułaja ryba.
Rybak nie straciŭ prytomnaści, adnak u stanie šoku ŭvieś čas prasiŭ miedykaŭ «chutkaj» adpuścić jaho damoŭ, kab apranucca. Jaho advieźli ŭ balnicu chutkaj dapamohi.