Някляеў, Раманчук і Лябедзька ляцяць у Канаду
7 чэрвеня пачынаецца візіт прадстаўнікоў беларускай апазіцыі ў Атаву.
07.06.2010 / 11:08
7 чэрвеня пачынаецца візіт прадстаўнікоў беларускай апазіцыі ў Атаву. У дэлегацыю ўваходзяць лідэр кампаніі «Гавары праўду» Уладзімір Някляеў, а таксама тры прадстаўнікі Аб’яднанай грамадзянскай партыі — Анатоль Лябедзька, Яраслаў Раманчук і Андрэй Дзмітрыеў.
Візіт будзе адбывацца па запрашэнні камітэту па міжнародных справах канадскага парламента. Таксама цягам паездкі адбудуцца сустрэчы ва ўрадзе, з прадстаўнікамі недзяржаўных арганізацый, журналістамі.
Анатоль Лябедзька кажа, што галоўнай мэтай паездкі з’яўляецца неабходнасць «заангажаваць Канаду ў беларускае пытанне». У парламенце Канады павінны адбыцца адмысловыя слуханні па Беларусі.