Ratavalniki łunali nad natoŭpam
Biełaruskija pažarniki adznačyli svajo śviata paradam u Minsku.
25.07.2010 / 14:45
U stalicy adbyŭsia parad śpiecyjalnaj techniki orhanaŭ i padraździaleńniaŭ pa nadzvyčajnych situacyjach.Pa praśpiekcie Niezaležnaści ad cyrka da płoščy Pieramohi 25 lipienia prajšli kałony śpiecyjalnaj techniki. Akramia sučasnaj techniki, u paradzie taksama ŭdzielničali staradaŭnija ŭzory srodkaŭ pažaratušeńnia — konna-bočačny chod z koniami i pompava-liniejny chod.
Adrazu paśla zakančeńnia parada ŭsia technika raźmiaściłasia ŭzdoŭž nabiarežnaj raki Śvisłač u parku imia Horkaha i vyklikała vialikuju cikavaść u naviedvalnikaŭ. Asabliva ŭ dziaciej. Jany ź vialikaj achvotaj łazili pa vialikim i pryhožym ratavalnym aŭtamabilam, mierali pažarnyja šlemy i fatahrafavalisia z sabakami-ratavalnikami. A samyja rašučyja navat mahli pasprabavać źbić miač z brandspojta.
Pačałosia śviata ŭračystym paradam.
U paradzie ŭdzielničali i pradstaŭniki ratavalnych słužbaŭ minułych stahoddziaŭ.
Dzieci achvotna karystalisia zabaŭkami ratavalnikaŭ.
Kab pasiadzieć za styrnom pažarnaj mašyny treba było adstajać čarhu.
Śviata naviedała i kiraŭnictva biełaruskaha MNS.
Ratavalniki łunali nad natoŭpam.
Kožny achvotny moh užycca ŭ rolu zmahara z pažaram.
Asabliva spadabalisia dzieciam sabaki-ratavalniki.
Dzień 25 lipienia biełaruskija ratavalniki abrali nie vypadkova. Historyja prafiesijnaj pažarnaj słužby ŭ Biełarusi pačynajecca z 25 lipienia 1853 hoda, kali Minskaje hubiernskaje praŭleńnie i Minskaja haradskaja duma, razhledzieŭšy pytańnie «Ab stvareńni pažarnaj čaści ŭ h. Minsku», zacvierdzili kaštarys raschodaŭ na ŭtrymańnie pažarnaj čaści ŭ składzie 51 čałavieka. U hety ž čas byli arhanizavany pažarnyja čaści ŭ Viciebsku, Mahilovie i inšych biełaruskich haradach.