Кандыдат Лукашэнка: На дзяржаўным тэлебачанні — хлусня, суцэльная хлусня
Такую заяву зрабіў будучы кіраўнік Беларусі ў 1994 годзе.
08.12.2010 / 17:52
«Сродкі масавай інфармацыі павінны быць рознымі. Хай будуць дзяржаўныя, хай будуць і незалежныя. Але тое, што сёння адбываецца на дзяржаўным тэлебачанні, вы ж бачыце, што адбываецца, — хлусня, суцэльная хлусня.Я не хачу папракнуць журналістаў, якія там працуюць. Яны проста задушаныя», — заявіў кандыдат на пасаду прэзідэнта Беларусі Аляксандр Лукашэнка падчас выбарчай кампаніі 1994 г.
Ён таксама зазначыў, што кантроль над поглядамі журналістаў і пагрозы звальнення, гэта «пячорная палітыка дзяржавы». «СМІ проста гвалтуюць, а журналісты проста баяцца — яны ж таксама людзі», — так меркаваў Аляксандр Лукашэнка ў 1994 г.
Ён таксама паабяцаў, што стаўшы прэзідэнтам «ніколі не будзе зажымаць гэта (свабоду слова)».