Advakatu Mikałaja Statkieviča nie ŭdajecca sustrecca z padabaronnym
05.01.2011 / 18:11
Advakatu Taćcianie Stankievič, jakaja abaraniaje byłoha kandydata ŭ prezidenty Mikałaja Statkieviča, nie ŭdajecca sustrecca sa svaim padabaronnym. Jana nie vyklučyła, što ni ciaham hetaha, ni ciaham nastupnaha tydniaŭ sustreča nie adbudziecca.
Mikałaj Statkievič byŭ zatrymany 19 śniežnia padčas akcyi apazicyi ŭ Minsku i źmieščany ŭ śledčy izalatar KDB. Jon źjaŭlajecca padazronym pa kryminalnaj spravie ab masavych biesparadkach. U SIZA palityk trymaje haładoŭku i admoviŭsia ad davańnia pakazańniaŭ.
Apošnim razam advakat bačyła padabaronnaha tydzień tamu, 29 śniežnia. Paśla toj sustrečy jana zajaviła, što Statkievič adčuvaje siabie narmalna.
Pradstaŭnik vybarčaha štaba Statkieviča Siarhiej Skrabiec ličyć, što advakatu naŭrad ci dazvolać pravieści čarhovuju sustreču z padabaronnym, pakul toj trymaje haładoŭku. U tym, što były kandydat praciahvaje haładać, Skrabiec nie sumniavajecca.