Na Aŭstrałiju abrynuŭsia najmacniejšy za sto hadoŭ cykłon
03.02.2011 / 13:09
Na paŭnočny ŭschod Aŭstralii abrynuŭsia samy mocny za apošnija sto hadoŭ cykłon Jasi.
Chutkaść vietru dasiahała 300 km/h. U vyniku stychii z tysiač damoŭ byli sarvanyja dachi, u prybiarežnych rajonach adznačanyja zatapleńni. Biez elektryčnaści zastajucca prynamsi 180 tysiač damoŭ, u paškodžanych rajonach pačali pracavać supracoŭniki vyratavalnych słužbaŭ.
Adnak u cełym paškodžańni mienšyja, čym čakali sinoptyki. Pra čałaviečyja achviary nie paviedamlajecca, chacia ŭ niebiaśpiečnaj zonie žyvie kala 300 tysiač čałaviek.
Cykłon pamieram ź Itałiju prajšoŭ mima najbujniejšych haradoŭ Kvinsłenda.
Nahadajem, u studzieni hety štat surjozna paciarpieŭ ad najbujniejšaj pavodki. Tady ahulnaja płošča zatapleńnia pierasiahnuła terytoryi Francyi i Hiermanii razam uziatyja, a vada ŭ rekach padniałasia amal na dziesiać mietraŭ vyšej za zvyčajny ŭzrovień. Achviarami stychijnaha biedstva stali 15 čałaviek.