Žurnalistu «Radyjo Racyja» vynieśli papiaredžańnie za pracu biez akredytacyi
10.02.2011 / 14:52
Siońnia Hienieralnaja prakuratura vyniesła papiaredžańnie žurnalistu Barysu Hareckamu za pracu biez akredytacyi.
Hareckaha vyklikali ŭ prakuraturu, kab jon daŭ tłumačeńni nakont supracoŭnictva ź biełaruskim «Radyjo Racyja». U pryvatnaści, pra padziei 17 studzienia, kali toj byŭ zatrymany la budynka KDB u Minsku padčas zapisu intervju sa svajakami palitviaźniaŭ.
«Hutarka doŭžyłasia kala hadziny. Na bolšaść pytańniaŭ ja adkazvać admoviŭsia, spasłaŭšysia na kanstytucyjnaje prava nie śviedčyć suprać samoha siabie», — raspavioŭ žurnalist.
Jon ličyć hetyja dziejańni prakuratury parušeńniem svaich pravoŭ na zbor, zachoŭvańnie i raspaŭsiud infarmacyi.