Прэзідэнт Гватэмалы разводзіцца з жонкай, каб яна змяніла яго на пасадзе
22.03.2011 / 10:41
Прэзідэнт Гватэмалы Альвара Калом разводзіцца з жонкай, каб яна змагла ўдзельнічаць у прэзідэнцкіх выбарах,
піша El Pais.
Калом і яго жонка Сандра Торэс падалі заяву аб разводзе «па ўзаемнай згодзе» 11 сакавіка, пацвердзілі ў Вярхоўным судзе краіны. А 8 сакавіка Торэс выставіла сваю кандыдатуру.
Такім чынам, у верасні яна зможа прыняць удзел у барацьбе за прэзідэнцкую пасаду: паводле канстытуцыі Гватэмалы, бліжэйшыя сваякі кіраўніка дзяржавы не могуць прэтэндаваць на дадзеную пасаду.
У выпадку перамогі на выбарах, першая лэдзі краіны стане першай жанчынай-прэзідэнтам Гватэмалы.